കണ്ണന്‍ സിദ്ധാര്‍ഥ്‌
തൃശ്ശൂരില്‍
വടക്കുംനാഥ ക്ഷേത്രത്തിന്‍റെ
വടക്കേ ഗോപുരനടയിലിരുന്നു
മണികുട്ടന്‍റെ അച്ഛന്‍ പുട്ട് കുത്തുന്നത് കണ്ടിട്ടുണ്ടോ ?
ചുട്ടെടുത്ത ചങ്ക് ഇടിച്ചു തരിയാക്കി
മേമ്പൊടിക്ക് വിഷാദം ചേര്‍ത്ത്
വേവിച്ചു കുത്തിയെടുത്തത്...
ആകാശത്തിന്‍റെ അണാക്കിലേക്ക്
അമ്പലത്തിനു വടക്കു
വാടകവീട്ടിലെ അടുക്കള തിണ്ണയിലിരുന്നു
മണികുട്ടന്‍റെ അമ്മ കതിനാ നിറക്കണത് കണ്ടിട്ടുണ്ടോ ?
ജീവിതം പോറി
ചെതുമ്പലിച്ച കൈകൊണ്ടു
അരിപ്പൊടി കുഴച്ചു പരുവമാക്കി
മേമ്പോടിക്ക് തേങ്ങാപീര ചേര്‍ത്ത് വേവിച്ചു
കുത്തിയെടുത്തപ്പോള്‍ തീ !
അരിച്ചു കയറിയ തീയാളി
വിശന്ന വയറുകള്‍ പൊട്ടിച്ചിതറി
ആകാശത്ത് ഇന്ന് അരിപ്പൊടിപൂരം...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ